Сыаналаах массажеры «кирэдьиит» атыылыыр буоллулар

Бөлөххө киир:

Аҕыйах хонуктааҕыта Дьокуускай куорат биир олохтооҕугар «босхо массажка ыҥырабыт» диэн билбэт нүөмэриттэн эрийэннэр, ол киһи онно тиийэн сыаналаах массажер атыылаһан, улахан угаайыга киирбит…

Роспотребнадзор Саха сиринээҕи управлениетыгар итиэннэ  «Гигиена уонна эпидемиология киинэ» ФБУ консультациялыыр киинигэр  гражданнартан, үгүс өттүгэр саастаах дьонтон, сыаналаах массажер атыытын туһунан үҥсүү киириитэ элбээбит. Эрийэн үҥсүспүт дьон кэпсээбиттэринэн, кинилэри  босхо массажка  пааспардарын илдьэ кэлэллэригэр ыҥыраллар эбит. Атыыһыттар «Киэргэ» дьиэтигэр анал хос куортамнаан баран, онно сыаналаах массажеры көрдөрөллөр, кэпсииллэр эбит.

Презентация кэмигэр кэлбит дьоҥҥо бүгүн эрэ  бу табаары чэпчэки сыанаҕа  атыылаһыахтарын сөбүн этэллэр үһү. Маны таһынан сүүйүүлээх лотерея ыытан баран, сүүйбүт киһини атын хоско илдьэн атыы-тутуу дуогабарын оҥорон баран,  кирэдьиит дуогабарыгар илии баттаталлар. Дуогабарга илии  баттаабыт дьон сүүйүүбүтүн  докумуоннаһаллар дии саныыллар эбит.

Онон презентация түмүгүнэн, сорох дьон «кирэдьиит» сыаналаах массажер атыылаһан дьиэлэригэр бараллар …

Роспотребнадзор Саха сиринээҕи управлениета,   «Гигиена уонна эпидемиология киинэ» ФБУ консультациялыыр киинэ маннык сүбэлиир:

— босхо презентацияларга сылдьартан туттунуҥ;

— сыаналаах техниканы атыылаһар туһунан быһаарыныы ыларгытыгар ыксаамаҥ. Үпкүтүн-харчыгытын суоттанан көрүҥ, чугас дьоҥҥутун кытары сүбэлэһиҥ;

-Докумуону  (дуогабар, сөбүлэһии, сайабылыанньа, анкета, акт, кирэдьиит докумуона уо.д.а.) өйдөөн-дьүүллээн ааҕан баран илии баттааҥ.

edersaas.ru

Хаартыска https://rg.ru/

+1
0
+1
0
+1
0
+1
0
+1
0
+1
0
+1
0