Владимир Путин пресс-кэмпириэнсийэтигэр сыана үрдээһинигэр тохтоон, санаатын үллэһиннэ. Дойду иһинээҕи табаары оҥорооччулары өйүөхтээхпит диэтэ. Пошлинаны сүрүннүүүр наадатын ыйда. Бу күннэргэ оҥорон таһаарааччылары уонна эргиэн ситимнэрин кытта сөбүлэһии түһэрсиллиэхтээҕин санатта.
Үлэтэ суох буолуу боппуруоһугар тохтууругар маннык кэрискэҕэ киирбит дьоҥҥо босуобуйа үрдээбитин, үлэ ырыынага өйөнүллүөхтээҕин, үлэ саҥа миэстэтэ тэриллиэхтээҕин туһунан эттэ.
“Бөх-сыыс” диэн суругу көрөн, Урал федеральнай уокуругуттан Екатеринбург куораттан кыттар Ольга Балабановаҕа тылы биэрдилэр. Ольга бөх реформата эрэгийиэннэргэ тоҕо кыаллыбатын туһунан туоһуласта. Онуоха Путин тустаах реформа иннигэр турар соруктары ааттаата. Ол курдук, бөҕү суортааһыны-наардааһыны ситиһиэххэ наадатын эттэ. Автопромҥа утилизациялыыр хомуур киирбитин курдук, табаары хаалааччыларга сөптөөх ноҕоруусканы сүктэрэр соруктаахтарын эттэ. Бөх боппуруоһунан бырабыыталыстыбаҕа, эрэгийиэннэргэ дьарыктаналлар диэн эрэннэрдэ.
Норуоттар икки ардыларынааҕы эргиэн кииниттэн Сергей Шнуров нуучча хакердара Трамп талылларыгар тоҕо көмөлөспөттөрүй, Трамп ханнык дуоһунаска олоруон туһунан ыйытта. В.Путин: “Бу ыйытыы буолбатах. Провокация. Нуучча хакердара хаһан даҕаны орооспотохторо. Саҥа бэрэсидьиэн туох буола турарын таба өйдүөҕэ. Кини уопуттаах киһи”, — диэн хоруйдаата.
Бэлэмнээтэ Женни Стрюкова.
Хаартыска: саайтан