Светлана Петрова-Уран Хатын: «Инники өттүгэр төрүт ииспит, уһаныыбыт култуурата өссө сайдыаҕа»
Саха АССР төрүттэммитэ 100 сылынан СӨ Национальнай библиотеката Ил Түмэн өйөбүлүнэн, «Саха сирин кэскилин туһунан 100 интервью» бырайыагы саҕалаабыта. Бырайыак 2022 сыл алтынньытыгар диэри сүрүн сыалын ситиһиэхтээх уонна салгыы сайда туруохтаах диэн былааннанар.
«Саха сирин кэскилин туһунан 100 интервью» бырайыак иитинэн кэпсэтиилэри https://100интервью.рф/ саайтка киирэн көрүөххүтүн сөп.
Бүгүн историческай наука хандьыдаата, доцент, норуот маастара Светлана Ивановна Петровалыын кэпсэтиини таһаарабыт.
«Норуот уус-уран култуурата үрдүк таһымҥа таҕыста. Саха таҥаһын киэргэл эрэ курдук буолбакка, тымныыттан харыстыыр таҥас быһыытынан олоххо киллэрэн эрэбит. 100 сыл иһигэр доруобуйабыт олус айгыраата. Ол төрүөтэ, биллэн турар, таҥаска сытар. Төрүт түүлээх таҥастарбытын умнан, Европа таҥаһын кэтэн, бронхит, бүөр, сүһүөх ыарыыта элбээтэ. Инники сүүс сылы этэр буоллахха, билиҥҥиттэн ыччаппыт доруобуйатын күүскэ көрүөхтээхпит. Өскөтүн ыччат доруобай, үөрэхтээх буоллаҕына, 100 сыл иһигэр өссө балысханнык сайдыахпыт».
edersaas.ru