Тэрээһиннээх бөлөх чилиэнэ сууттанна

Ааптар: 
Бөлөххө киир:

«Лихие» дэнэр 90-с сылларга курдук уорар, халыыр, талыыр сыаллаах бөлөхтөрү билигин да тэринээччилэр бааллар. Соторутааҕыта биир оннук тэрээһинээх бөлөх чилиэнигэр суут бириигэбэрэ тахсыбыт.

edersaas.ru

Суут быһаарбытынан, 2016 сыл алтынньы ыйыгар 26 саастаах эдэр киһи атастарын кытта анаан-минээн уоруунан, халааһынынан дьарыктанар бөлөх тэриммиттэр. Хаһан ханна тугу кимнээхтэн уоралларын, ким тугу гыныахтааҕын былааннаммыттар, сэптэрин-сэбиргэллэрин эрдэттэн бэлэмнэммиттэр, тэриммиттэр.

Ол курдук, 2016 сыл алтынньы 19 күнүгэр Дьокуускай куорат Хатыҥ Үрэҕэр баар биир чааһынай дьиэ түннүгүн арааматын устан киирэн, 500 тыһ. солк. тахса сууммалаах баайы-малы уоран тахсыбыттар.

Онтон 2016 сыл сэтинньи 18 күнэ үүнэр түүнүгэр пневматическай бэстилиэти уонна гаастаах баллону туттан, аһы таһар сулууспаҕа саба түспүттэр. Ити талааһын түмүгэр, 293 тыһ. солк. тахса суумманы «бултуйбуттар».

Полиция оперативниктара бу бөлөх кыттыылаахтарын туппатахтара буоллар, кинилэр дьайыыларыттан төһө элбэх киһи эмсэҕэлиэ биллибэт этэ.

Чуолаан, бу бөрөстүүпүнньүк барыллааһын силиэстийэ кэмигэр силиэстийэ уорганнарын кытта суут иннинээҕи сөбүлэһии түһэрсэн (сокуоҥҥа оннук баар), холуобунай дьыалаттан киниэнин туспа араарбыттар.

Силиэстийэ кэмигэр буруйу арыйыыга уонна силиэстийэлээһиҥҥэ харса суох көмөлөспүтэ суут бириигэбэригэр учуоттаммыт — 5 сылга эрэ кытаанах эрэсиимнээх холуонньаҕа көҥүлэ быһыллыбыт.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0