Амма улууһугар түөрт оҕолоох ийэ ааспыт сыл кыһыныгар уон ыйдаах оҕоттон сэттэ сааһыгар диэри саастаах оҕолорун тастарыттан хатаан, электричествонан ититиллэр дьиэтигэр икки суукка устата туох да аһа-үөлэ, көрүүтэ-истиитэ суох хаалларбытын туһунан «Саха сирэ» хаһыакка сырдатан турабыт.
Оҕолор иэдээҥҥэ түбэспэт быаларыгар, сааһын ситэ илик оҕолор дьыалаларынан дьарыктанар исписэлиис нэһилиэк уһугар олорор соҕотох эдэр ийэ дьиэтин бэрэбиэркэлии тиийбит. Таһыттан хатааһыннаах аан нөҥүө оҕолор ытаһалларын истэн, тута социальнай сулууспа үлэһиттэрин уонна полицияны ыҥырбыт.
ИДьМ пресс-сулууспата иһитиннэрбитинэн, Амма улууһун оройуоннааҕы суутун быһаарыытынан, «Оҕолору кутталга хаалларыы иһин» Арассыыйа Федерациятын холуобунай кодексатын 125 ыстатыйатынан, 29 саастаах ийэни 148 чаас күһэлэҥ үлэҕэ уураахтаата. Эдэр ийэни ийэ быраабыттан быһан, билигин оҕолор быстах кэмҥэ эпиэкэ көрүүтүгэр сылдьаллар.
Ульяна Захарова, edersaas.ru
+1
+1
+1
+1
+1
+1
+1