Бүгүн, атырдьах ыйын 1 күнүгэр, «Якутлесресурс» ГАУ Чурапчытааҕы филиалын урукку үлэһитэ Николай Лукины суут РФ Холуобунай кодексатын 293-с ыстатыйатын 2-с чааһынан буруйдааҕынан билиннэ, итиэннэ 3 сылга усулуобунай миэрэнэн накаастаата.
Ону тэҥэ, ойуур баһаарын умулларыыга салайааччы буоларын икки сылга бопто. Санатар буоллахха, былырыын сайын Чурапчы оройуонун Мэлдьэхси учаастагын таһыгар уоту утары охсуһа сылдьар киһи уокка былдьаммыта. 44 саастаах Армения олохтооҕо Эльбаги Игитян волонтер быһыытынан бульдозерынан хараардыы балаһатын хорута сылдьан, ыган кэлбит баһаартан кыайан куоппатаҕа. Бу суорума суолланыы эппиэтинэһин тустаах дуоһунаска аҕыйах хонук эрэ иннинэ анаммыт Николай Лукиҥҥа сүктэрбиттэрэ. Николай Лукин бэйэтин буруйдааҕынан ааҕыммат.
Тэрилтэ салайааччыта Дьулустаан Хон эмиэ Николай Лукины көмүскээн турар. Манна көрүөххэ сөп.
Дьулустаан Хон: «Баһаары утары үлэҕэ баһаам үп көрүлүннэ» (ВИДЕО)
Хаартыска — интэриниэт ситимиттэн.