Быраҕыллыбыт суумка айдааны таһаарда
Олох-дьаһах

Быраҕыллыбыт суумка айдааны таһаарда

Бүгүн эбиэт кэнниттэн күнүс үс чаас саҕана Дьокуускайга Бэчээт дьиэтин аттыгар ким эрэ хаалларбыт суумкатыттан сылтаан сүпсүлгэн буола сырытта. Полиция, ыттаах кинологтар, баһаарынайдар, «скорайдар» бэлэм турдулар.

edersaas.ru

Бастаан суумканы полиция үлэһитэ көннөрү ыраахтан үөрэтэн  көрдө. Ол кэнниттэн  ОМОН байыаһа-кинолог чинчийдэ.

Бэрээдэги араҥаччылааччылар суумканы тоҕо тэбээн көрдүлэр да, дьолго, тугу да булбатылар.

Билэр дьон этэллэринэн, Бэчээт дьиэтин анныгар ускул-тэскил дьон хорҕойон олороллор үһү. Арааһа, ол дьон эбиэт иннинээҕи бөҕү-саҕы кэрийэн аҕалбыт «булумньулара» буолуон сөп курдук. Бу дьон манна өссө кыстыыллар үһү диэн сурах баар.

Хайдаҕын да иннигэр, сэрэхтээх, болҕомтолоох дьон бааллара үчүгэй. Бу аймалҕаннаах кэмҥэ араас быһылаан тахсыан сөп.

Елена ПОТОЦКАЯ, «Саха сирэ» хаһыат, edersaas.ru

Хаартыска — СИА-тан уонна ааптар түһэриитэ.

3
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

2 × пять =