Бүгүн күнүс 16 чаастааҕы брифинигэр Ил Дархан Айсен Николаев суукка иһигэр өрөспүүбүлүкэҕэ 55 киһи сыстыгыннаах дьаҥҥа сутуллубутун иһитиннэрдэ.
edersaas.ru
Бүгүҥҥү күҥҥэ 20 киһи үтүөрдэ ( Дьокуускайга — 19, Нерюнгригэ — 1 киһи) . Онон уопсайа 117 киһи үтүөрдэ. Дьокуускайга 38 киһи дьаҥҥа сыстыбыта эбии бэлиэтэннэ. 13 — Нерюнгригэ, 3 — Горнай улууһугар уонна 1 — Алдан куоракка.
10 киһи балыыһаҕа ыарахан туруктаах сытар: 8 киһи — Дьокуускайга, 2 киһи — Мииринэйгэ.
Дьокуускайга бүгүҥҥү туругунан докумоҥҥа киирбитинэн, 606 киһи коронавируһунан ыарыйда. 117 киһи үтүөрдэ, 4 киһи олохтон барда.
Сууккаҕа лабораториялар 1080 киһиттэн коронавирус бэрэбиэркэтигэр тест-анаалыс ыллылар. Обсерватордарга 588 киһи сытар.
Онон ыам ыйын 12 күнүнээҕи туругунан Саха сиригэр:
— 606 киһи коронавируска сутуллан ыарыйда;
— 117 киһи эмтэнэн, үтүөрдэ;
— 4 киһи тыына быһынна.
Елена ПОТОЦКАЯ, «Саха сирэ» хаһыат, edersaas.ru
Хаартыска — интэриниэттэн.