От ыйын 25 күнүнээҕи туругунан, Саха сиригэр ойуурга 181 баһаар бэлиэтэммит. Бу туһунан брифиҥҥэ Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
Бүгүҥҥү күҥҥэ уоту бохсууга 2108 киһи уонна 262 тиэхиньикэ үлэлииллэр.
Уоту кытта туруулаһааччылар күүстээх үлэлэрин уонна өрөспүүбүлүкэ киин уонна соҕуруу өттүгэр түспүт ардах көмөтүнэн суукка устата 41 баһаар умулларылынна, 14 төгүрүтүлүннэ, саҥа умайыы бэлиэтэммэт.
Арассыыйа ЫБМ Бе-200 үс сөмөлүөтэ Ньурба уонна Сунтаар оройуоннарыгар умулларыыга кытыннылар. Баһаары умулларыыга маны сэргэ Оборона министиэристибэтин салгын суудуналара көтөллөр. Ми-8 үс бөртөлүөт үөһэттэн патрулааһыҥҥа уонна Ленскэй, Ньурба, Өлүөхүмэ оройуоннарыгар авиалесоохрана үлэһиттэрин тиэрдиигэ туһанылынна.
Дмитрий Садовников иһитиннэрбитинэн, авиалесоохрана уонна олохтоохтортон баҕа өттүлэринэн көмөлөһөөччүлэр көмөлөрүнэн Үөһээ Бүлүү оройуонугар нэһилиэнньэлээх пууҥҥа суоһаабыт уоту умуллардылар. Бүгүн бары наадалаах тэрээһиннэри салгыы ыытыахтара.
На особом контроле также обстановка в населённых пунктах Горного района – Ерт, Магарас и Кюерелях.
Горнай оройуонун Өрт, Маҥарас уонна Күөрэлээх нэһилиэнньэлээх пууннарыгар балаһыанньа ураты хонтуруолга тутуллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бэлэмнээтэ Женни Стрюкова
Хаартыска: тустаах саайтан