Суукка иһигэр үс ойуур баһаарын умуллардылар

Ааптар: 
Бөлөххө киир:

СӨ сиригэр-уотугар ааспыт сууккаҕа икки ойуур  баһаара, ону тэҥэ  Таатта, Уус Маайа, Уус Алдан, Ньурба, Үөһээ Бүлүү, Дьааҥы, Эбээн Бытантай уонна Томпо оройуоннарыгар барыта 9 баһаар баара бэлиэтэннэ.

Уот сиэбит иэнэ 11223,5 гектарга тэҥнэһэр диэн Россия ЫБММ Саха сиринээҕи управлениетын пресс-сулууспата иһитиннэрэр.

Ойуур баһаарын умуруорууга 138 киһи уонна 8 техника кытынна. Сууккаҕа 10 патрульнай-хонтуруолунай бөлөх үлэлээтэ, барыта 32 киһи кытынна. Патрульнай-хонтуруолунай бөлөхтөр үлэлэрин түмүгүнэн, административнай быраабы кэһии туһунан 7 боротокуол толорулунна уонна баһаартан куттал суох буолуутун миэрэлэрин туһунан 112 киһиэхэ сэрэтэр инструктаж оҥоһулунна.

«Бүгүҥҥү күҥҥэ икки улахан ойуур баһаара Дьааҥы уонна Томпо оройуоннарыгар бэлиэтэнэр. Таатта уонна Уус Алдан улуустарыгар дьон олорор сириттэн 10 км тэйиччи сиргэ икки баһаар баара биллэр.  Бэлиэтээн эттэххэ, биир суукка иһигэр үс айылҕа баһаара умулларылынна«, — диэн Россия ЫБММ Саха сиринээҕи дьаһалтатын салайааччыта Павел Гарин иһитиннэрдэ.

edersaas.ru

Хаартыска интэриниэт  ситимиттэн ылылынна

+1
0
+1
0
+1
0
+1
0
+1
0
+1
0
+1
0