«Авиалесоохрана» тэрилтэ дааннайынан, ааспыт сууккаҕа 18,5 га иэннээх 2 ойуур баһаара баара биллэр.
Бу баһаардары умуруорууга 26 киһи, 4 тиэхиникэ үлэлээтилэр. 42 киһилээх 10 патрульнай бөлөх хонтуруоллуур. Кинилэр үлэлэрин түмүгүнэн административнай быраабы кэһиигэ 5 боротокуол оҥоһуллубут, 96 киһиэхэ баһаартан сэрэхтээх буолуу туһунан инструкция аахпыттар.
Ол түмүгэр 2 баһаары умуруорбуттар, умайыы иэнэ 17 гектаарынан көҕүрээбит. Баһаары утары ураты эрэсиим Өймөкөөн, Таатта, Томпо, Үөһээ Бүлүү, Бүлүү, Сунтаар улуустарыгар үлэлиир диэн Ыксаллаах быһыы-майгы министиэристибэтин кылаабынай управлениета иһитиннэрэр.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1