Доруобуйа

Суукка иһигэр 5190 киһи быһыыны ылла

Суукка иһигэр Саха сирин 5190 олохтооҕо коронавируһу утары быһыыны ылла. 

Быһыыны биэрэр эбии пууннар арылыннылар. СӨ Ыччат дьыалаларыгар уонна социальнай коммуникацияларга миниистирин бастакы солбуйааччы Александр Сусоев: «Гам-Ковид-Вак» («Спутник V») вакцинаны ыллым. Бу иннинэ кыыһым Розалия эмиэ бу вакцинаны ылбыта. Кэргэним вакцинаны ылыан баҕарар даҕаны, кини билиҥҥитэ оҕо эмтэрэр. Туругум этэҥҥэ. Куорат олохтоохторугар анаан быһыыны ылар эбии отучча пуун арылынна. Мин «Туймаада» атыы-эргиэн киинигэр баар пууҥҥа ылыбытым. Уочарата суох, барыллаан суруттарар наада суох. Быһыыны ылыҥ, доруобай буолуҥ! Быраастарга итэҕэйиҥ!», — диэн ыҥырар.

0
0