Олунньу 7 күнүнээҕи туругунан, өрөспүүбүлүкэҕэ 3802 киһи коронавируснай инфекциянан ыалдьыбыта бигэргэннэ, бэҕэһээ 3798 киһи этэ. Суукка иһигэр 54 киһи балыыһаҕа киирдэ (бу иннинэ 110 киһи этэ), 3210 киһи үтүөрдэ (бу иннинэ 3535 киһи этэ).
Саҥа ыалдьыбыт киһи элбэҕин, ыарыы сыстыганнааҕын үрдүнэн, үгүстэр чэпчэкитик аһардаллар. Бу үгүс дьон коронавируһу утары быһыыны ылбытыттан диэн суһал ыстаап быһаарар. Ол курдук, быһыы бастакы укуолун 579 906 киһи ылбыт (улахан дьон 80,9%). Быһыыны иккистээн 131 332 киһи ылбыт.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1