Ил Дархан Айсен Николаев ыам ыйын 19 күнүнээҕи брифинигэр иһитиннэрбитинэн, ааспыт суукка иһигэр 31 киһи коронавирустан үтүөрэн, инфекционнай балыыһаттан таҕыста. Барыта 914 киһи ыалдьыбытыттан, 305 киһи үтүөрдэ.
Ааспыт суукка иһигэр 3 тыһыынчаттан тахса анаалыс оҥоһуллубут. Онон Саха сирэ элбэх анаалыһы суһаллык оҥорорунан дойду үрдүнэн бастыҥнар истэригэр баар.
— Анаалыс суһаллык уонна элбэхтик оҥоһуллара улахан суолталаах. Маннык эрэ гыннахпытына, ыарыы саҥа күөдьүйэн истэҕинэ, дириҥии илигинэ булар, эмтиир кыахтаахпыт. Оччоҕуна ыарыы чэпчэкитик ааһар, — диэн Айсен Сергеевич иһитиннэрдэ.
Санатар буоллахха, бэрэсидьиэн Владимир Путин бырабыыталыстыба мунньаҕар анаалыһы кэмигэр уонна элбэхтик оҥорор наадалааҕын туһунан ыйбыта.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1