Бүгүҥҥү күнүскү брифиҥҥэ вице-премьер Ольга Балабкина иһитиннэрбитинэн, ааспыт сууккаҕа 216 киһи сыстыганнаах дьаҥынан сутуллубута бигэргэннэ.
edersaas.ru
Ол курдук, Дьокуускай куоракка — 119 киһи ыалдьыбыта билиннэ. Алдаҥҥа — 7, Мииринэй, Нерюнгри, Уус Алдан оройуоннарыгар — 6-лыы, Үөһээ Бүлүү уонна Нам улуустарыгар — 5-тии, Аллайыаха, Дьааҥы, Мэҥэ Хаҥалас, Ньурба, Өлөөн, Чурапчы улуустарыгар -4-түү, Амма уонна Горнай улуустарыгар — 3-түү, Эдьигээн, Кэбээйи, Ленскэй, Өлүөхүмэ, Сунтаар уонна Хаҥалас улуустарыгар — 2-лии, Муома уонна Таатта улуустарыгар биирдии киһи ыалдьыбыта билиннэ. Коронавирус дьаҥыттан ааспыт сууккаҕа үс киһи олохтон туораата.
Суукка устата лабораторияларга 6140 дьаҥынан сутуллууга чинчийии оҥоһулунна. Уопсайа пандемия саҕаланыаҕыттан 703 626 тест бэрэбиэркэни ааста.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1