Бүгүн, алтынньы 8 күнүгэр, СӨ Бырабыыталыстыбатын Бэрэссэдээтэлин солбуйааччы Ольга Балабкина быһа биэриигэ коронавирус тарҕаныытын уопсай балаһыанньатын билиһиннэрдэ.
edersaas.ru
Бүгүҥҥү туругунан, өрөспүүбүлүкэ үрдүнэн 106 киһи коронавирус дьаҥар хаптарбыт. Онтон 63 киһи Дьокуускайга.
Тааттаҕа — 8, Аммаҕа – 6, Сунтаарга – 4.
Алдаҥҥа, Эдьигээҥҥэ, Намҥа, Ньурбаҕа – 3
Мииринэйгэ, Уус-Майаҕа, Уус-Дьааҥыга – 2
Мэҥэ-Хаҥаласка, Нерюнгрина, Өймөкөөҥҥө, Уус-Алдаҥҥа — 1
Икки киһи COVID-19 ыарыыттан тыына быстыбыт.
Сууккаҕа 5 тыһыынча кэриҥэ лабораторнай чинчийии ыытыллыбыт. Бу ыарыы тарҕаныаҕыттан хаһааҥҥытааҕар да элбэх көрдөрүү диэн Ольга Балабкина бэлиэтээтэ. Ыарыы иккис долгуна кэлбитинэн сибээстээн, туох баар ирдэбиллэри кытаанахтык тутуһарга ыҥырда. «Ил Дархан бэҕэһээҥҥи нэһилиэнньэҕэ туһаайан этиитин истибиккит. Бары бүттүүн туруннахпытына эрэ, коронавирус дьаҥын кыайар кыахтаахпыт. Хас биирдии киһи, тэрилтэ санитарнай эпидемиологическай ирдэбили тутустаҕына эрэ, бу ыарыы самныаҕа», — диэн эттэ.
Ыарыы кэккэ улуустарга араас тэрээһин ыытыллыбытыттан тахсар диэн Ольга Балабкина бэлиэтээтэ. Инникитин сэрэхтээх буоларга ыҥырда.
Ирина Ханды, “Саха сирэ” хаһыат, edersaas.ru
Хаартыска: Интэриниэт ситимиттэн