Билигин Ил Түмэн дьокутааттара “2021 сылга элбэх кыбартыыралаах дьиэлэргэ уопсай баайга хапытаалынай өрөмүөнү ыытыы” бырагырааманы олоххо киллэрии туһунан” бырабыыталыстыба чааһа ыытылла турар.
Хапытаалынай өрөмүөнү ыытыы, ол хаачыстыбата, хапытаалынай өрөмүөн иһин усунуоһу төлөөһүн туруга барыта бырабыыталыстыба чааһыгар ырытыллар. Иһитиннэрииттэн биллэххэ, кэккэ муниципальнай оройуоннарга хапытаалынай өрөмүөн иһин усунуос мөлтөхтүк хомуллар. 60 бырыһыантан намыһаҕы хомуйбуттар ахсааннарыгар Абый, Аллайыаха (24 быр.), Булуҥ (58 быр.), Үөһээ Бүлүү (33 быр.), Мэҥэ Хаҥалас (51 быр.), Орто Халыма (39 быр.), Чурапчы (44 быр.), Эбээн Бытантай (36 быр.) уо.д.а. бааллар.
Ол эрээри 80 бырыһыантан үөһээ хомуйбуттар эмиэ бааллар. Ол курдук хапытаалынай өрөмүөн усунуоһун Дьокуускай (80), Жатай (86), Алдан (81), Амма (95), Горнай (80) үчүгэйдик хомуйбуттар. Бастыҥнар ахсааннарыгар Нерюнгри эмиэ баар. Усунуоһу хомуйууга иэстээх биирдиилээн дьоҥҥо 19585 претензия түһэриллибит. Суукка 8411 дьыала барбыт.
Бэлэмнээтэ Женни Стрюкова
Хаартыска: интэриниэттэн