Ойуур хаһаайыстыбатын федеральнай ааҕыныстыбата сыллата ыытар “Суугунаа, күөх тыа!” диэн Бүтүн Арассыыйатааҕы аахсыйатын чэрчитинэн, маһы олордууга, тыаны ыраастааһыҥҥа, мас сиэмэтин хомуйууга араас дьаһаллар тэриллэллэр.
edersaas.ru
Бу аахсыйаны биир бастакынан Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатыгар министиэристибэтин экологияны кэтээн көрүүгэ улуустардааҕы судаарыстыбаннай иниспиэксийэлэрэ уонна лесничестволар өйөөбүттэрэ. Тоҕо диэтэххэ, маһы олордоммут биһиги араас биричиинэнэн, кэрдиллэн, умайан о.д.а. суох эмсэҕэлээбит тыа чөлүгэр түһэригэр, бөҕөргүүрүгэр көмөлөһөбүт.
Балаҕан ыйын 30 күнүгэр диэри ыытыллар бу аахсыйаҕа көхтөөхтүк кыттарга биирдиилээн гражданнары, тэрилтэлэри ыҥырабыт. Онуоха лесничестволарга сайаапка түһэрэн, олордуллар маһы хантан түөрэн ылары көҥүллэтэр наада.
Санатан эттэххэ, аахсыйа Бүтүн Арассыыйа үрдүнэн дойдубут баай хара тыатын харыстыыр, хаҥатар, итиэннэ нэһилиэнньэҕэ, ордук чуолаан эдэр ыччакка, ойуур туһунан билиини кэҥэтэр, киниэхэ тапталы иҥэрэр сыаллаах бэһис сылын тэриллэр.
Раиса Сибирякова, «Саха сирэ» хаһыат, edersaas.ru