Муус устар 16 күнүгэр өрүһү туоруур кыһыҥҥы суол сабылыннаҕына, Дьокуускай — Аллараа Бэстээх икки ардыгар хивустар сылдьыахтара диэн СӨ Тырааныспарын уонна суол хаһаайыстыбатын министиэристибэтэ иһитиннэрэр.
Мууһунан барар тиэхиньикэ тохтобула 202-с микрооройуоҥҥа баар буолуоҕа. Бастакы айанньыттары сарсыарда 8 чааска туоратыахтара, суудуна дьон баарынан, төһө туоларынан сылдьыаҕа.
Уопсайа 30 суудуна үлэҕэ тахсыаҕа, бастакы сырыы муус устар 15 күнүгэр оҥоһуллуоҕа. Роспотребнадзор ирдэбилинэн, коронавирус тарҕамматын туһугар хас биирдии рейс кэнниттэн салоннары ыраастыахтара.
Марианна Тыртыкова, «Саха сирэ», edersaas.ru
Хаартыска ysia.ru
+1
+1
+1
+1
+1
+1
+1