Уопсастыба

Суруналыыстар тылдьыты сэҥээрдилэр

Ааспыт нэдиэлэҕэ edersaas.ru сахалыы тыллаах саайт быылаһааккатыгар 102 тыһыынча тылтан турар уонна 45 мөлүйүөн тыл дьүөрэлэһиитин оҥорор кыахтаах саҥа электроннай сахалыы-нууччалыы тылдьыт таҕыста. Оҥорон таһаарааччы тэхиньиичэскэй наука дуоктарыгар хандьытаат, ХИФУ информационнай технология кафедратын доцена Василий Мигалкин.

Онуоха тылдьыты туттубут дьон хайдах санаалаахтарый? Uluusmedia саайт суруналыыһа Туйаара Корякина тылдьыты туттан баран санаатын үллэһиннэ:

—Элбэх тыллаах саҥа тылдьыт баар буолбута биһиэхэ, эдэр суруналыыстарга, наһаа үчүгэй. Тиэкиһи тылбаастыырга, сөптөөх тылы буларга сороҕор уустук буолааччы. Аны урукку sakhatyla.ru тылдьыт тыла аҕыйах буолан, сорох тылга тылбааһы булбаккын даҕаны. Сахалыы сириибэ суох киһи сахалыы буукубаны суруйарыгар, судургутук клавиатура сыыппаратын баттыыра эмиэ үчүгэй. Урукку саайтка экраны бэйэтин эрэ баттыахха сөп этэ. Саҥа үөрэнэ сылдьар устудьуоннарга эмиэ туһалаах буолсу, – диэн эдэр суруналыыс санаатыын үллэһиннэ.

Тылдьыт ссылката бу баар https://edersaas.ru/slovar

0
0

Добавить комментарий