Үөрэҕи уонна науканы кэтээн көрөр федеральнай сулууспа (Рособрадзор) түмүктүүр өйтөн суруйуу резервнэй болдьоҕун ыам ыйын 6 күнүттэн ыам ыйын 25 күнүгэр көһөрдө. Туһааннаах быһаара суругу эрэгийиэн үөрэҕи салайар уорганнарыгар ыыталаата.
РФ бэрэсидьиэнэ бу сыл муус устар 28 күнүнээҕи “Коронавирус тарҕаныытынан сибээстээн Арассыыйа федерациятын территориятыгар нэһилиэнньэ санитарнай-эпидемиологическай өттүнэн туруктаах буолуутун хааччыйыы миэрэлэрин уһатар туһунан” 294-с нүөмэрдээх ыйааҕар олоҕуран, ыам ыйын 6-8 күннэрэ эбии өрөбүлүнэн биллэриллибиттэрэ. Онон түмүктүүр өйтөн суруйуу эрэсиэрбэҕэ күнэ эрдэттэн биллэриллибит болдьоҕор – ыам ыйын 6 күнүгэр ыытыллар кыаҕа суох.
Өскөтүн, өйтөн суруйуу эпидемиологическай балаһыанньанан уонна эрэгийиэннэргэ ылыллыбыт хааччахтыыр миэрэлэринэн ыам ыйын 25 күнүгэр кыайан ыытыллыбат түгэнигэр, Рособрнадзор бу эрэгийиэннэргэ атын күнү аныаҕа.
Өйтөн суруйуу 11-с кылааһы бүтэрээччилэр эксээмэҥҥэ киирэллэригэр булгуччулаах усулуобуйанан буолар. 2020 сылга бүтэрээччилэр 99,5 бырыһыаннара өйтөн суруйууну ситиһиилээхтик туттаран “зачет” ылбыттара.
Рособрнадзор пресс-сулууспатыттан.