11-с кылаастар өйтөн суруйуулара кэлэр сылга көстө...
Олох-дьаһах

11-с кылаастар өйтөн суруйуулара кэлэр сылга көстө

Сыллата 11-с кылааһы бүтэрээччилэр өйтөн (аахпыттан) суруйууну туттараллар. Быйыл ахсынньы 2 күнүгэр суруйуохтаах этилэр да, 2021 сыл муус устар 5 күнүн иннинэ ыытыллыбат буолла.

edersaas.ru

Дойдуга коронавирус соччото суох эпидемиологическай балаһыанньата үөскээбитинэн сибээстээн, өйтөн (аахпыттан) суруйуу 2021 сыл муус устар 5 күнүттэн эрдэ тэриллибэт диэн Үөрэҕи кэтээн көрөр федеральнай сулууспа иһитиннэрэр. Тустаах быһаарыыны Арассыыйаҕа коронавирус тарҕаныытын сэрэтэр суһал ыстаап мунньаҕар көрөн баран Рособрнадзор, РФ Үөрэҕириигэ министиэристибэтэ ылыммыттар.

Онтон 9-с кылаастарга нуучча тылыгар буолар түмүктүүр сэһэргэһиини (собеседование) көрүҥүн уларытан биэрбиттэр. Ол курдук, эпидемиологическай балаһыанньа уустук эрэгийиэнигэр информационнай-коммуникационнай технологияны туһанан ыраахтан олорон (дистанционно) ыытыллыаҕа. Эрдэттэн болдьоммутунан, сэһэргэһии 2021 сыл олунньу 10 уонна эбии түһүмэхтэрэ кулун тутар 10, ыам ыйын 17 күннэригэр буолуоҕа.

Санатан эттэххэ, түмүктүүр өйтөн (аахпыттан) суруйуу 11-с кылаастар, нуучча тылыгар түмүктүүр сэһэргэһии (собеседование) 9-с кылаастар эксээмэҥҥэ киирэллэригэр көҥүлү биэрэллэр.

 

Людмила ПОПОВА, “Саха сирэ” хаһыат, edersaas.ru

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

11 + 6 =