Суруйааччы Огдолуун сарсыардааҥҥы чэйдэ иһиэҕиҥ

Бөлөххө киир:

«Айар» кинигэ кыһата ахсынньы 8 күнүгэр сарсыарда 10 чааска «Тото-хана» эрэстэрээҥҥэ  «Суруйааччыны кытары сарсыардааҥы чэй»  үгэс буолбут тэрээһинигэр  ыҥырар.

edersaas.ru

Бу күн суруналыыс, суруйааччы Евдокия Иринцеева-Огдо айар үлэтин, чуолаан «Ыйдаҥа түүн» кинигэтин тула кэпсэтии буолуоҕа. Кэлбит дьон ааптар маннык айымньыны суруйарыгар туох төрүөт буолбутун, сүрүн дьоруой уобараһа кимтэн ылыллыбытын, «бүдүрүйбүт көнөр дуу, көммөт дуу» диэн  үйэлээх ыйытыыга ааптар санаатын билсиэхтэрэ.

Кистэлэҥи кыратык сэгэтэн ыллахха, сэһэҥҥэ соҕотох дьахтар дьэбэрэҕэ түспүт иэдээнэ эрэ буолбакка, олох омоон суолуттан бэйэлэрэ да билбэккэ туораан, киһи аатыттан ааспыт дьон омсолоох олохторо дьэҥкэтик көстөр. Киһи олоҕо огдолуйуута биир түгэнтэн, биир мүччү туттууттан турар дуо? Мин санаабар, күн аайы кэриэтэ куоракка көрөр биичтэрбит, хаамаайыларбыт күннээҕи олохторун маннык ытыска ууран биэрэн итэҕэтиилээхтик кэпсээбитэ ааҕааччыны ордук уйадытар. Тус бэйэм бу кинигэни харах уулаах аахпытым. Маҥнай ааҕарбар сөҕүүм-махтайыым маннык этэ: күннээҕи туттар тылбытынан бэрт судургутук, холкутук, наскыччы кэпсиир. Онтон дьэ, сюжет кэҥээн истэҕин аайы тыыллан-хабыллан турбат дуо? Ааҕа олорон, бэл, ыйдаҥалаах түүн удаҕан күүстээх илбиһэ кэлэргэ дылы гынар, тымныы сүүрээн эккин-хааҥҥын уйуһутар. Суруйааччы маастарыстыбата диэн итинниги этэн эрдэхтэрэ.
Уйан дууһалаах суруйааччы Огдо саҥа кинигэтин билсэ, ааптары кытары көрсө кэлэргэ 8 914 101-64-58 (батсааптаах) төлөпүөнүнэн суруйтарыҥ.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0