Суоттулар бэйиэт Сергей Васильев үлэлээбит улуустарын дьонун көрүстүлэр

Ааптар: 
Бөлөххө киир:

Бу күннэргэ Уус Алдан улууһун Суотту нэһилиэгин уопсастыбанньыктара спартакиадаҕа ыраахтан-чугастан кэлбит дэлэгээссийэлэри  нэһилиэктэрин кыраныыссатыгар көрсөллөр.

Бу туһунан Суоттутааҕы култуура дьиэтин уус-уран салайааччыта Устинья Борисова кэпсиир:

Бүгүн бары сиэри-туому тутуһан,  үһүс күммүтүн күүтүүлээх күндү ыалдьыттарбытын көрсөбүт. 

«Мичээр» СК, «Кустук» оҕону сайыннарар киин, «Туой», «Кундээр» бөлөхтөр уопсастыбанньыктара  — сүүсчэкэ киһи бу суолталаах тэрээһиҥҥэ икки симиэнэнэн үлэлии сылдьабыт.

Сарсыарда 08:00-24:00 диэри ким ыалдьыттары көрсөр, ким алаадьы астыыр.

Бэҕэһээ нэһилиэкпит баһылыга Василий Иванов  Мэҥэ Хаҥалас уонна Ньурба улуустарын дэлэгээссийэлэрин кытта анаан көрүстэ. 

Бу биһиги биир дойдулаахпыт, бэйиэт  Сергей Васильев-Борогонскай үлэлээбит  оройуоннарыттан кэлбит дьон. Эрдэттэн болдьоспут буолан, киэҥ бырагыраамалаах тэрээһин буолла. Көрсүһүү сиэрин-туомун кэнниттэн  икки улуус дэлэгээссийэлэрин кытта бэйиэт төрөөбүт алааһыгар сылдьан, иһирэх кэпсэтии, санаа атастаһыыта, бииргэ үлэлээһиҥҥэ тосхоллору торумнааһын буолла.

Кэлбит ыалдьыттар бары алаадьылаах, быырпахтаах айах тутан, ситиигэ салама баайаллар. Сүрүн дэлэгээссийэлэр бүгүн хото айаннаан кэлиэхтэрэ. Онно биһиги бэлэммит. Бэҕэһээ 1500 тыһыынча курдук киһи кэлэн ааста.

Елена ПОТОЦКАЯ, «Саха сирэ» хаһыат. 

Хаартыскалар Устинья Борисова тиксэриилэрэ.

+1
0
+1
0
+1
0
+1
0
+1
0
+1
0
+1
0