Суоттуга саҥа сүүрээн

Ааптар: 
Бөлөххө киир:

Суоттуга бэлиэ суолталаах күн буолан ааста. Бу күн «Ситим» өрөспүүбүлүкэтээҕи тыа сирин сайыннарар сыаллаах эйгэ иһинэн үлэлиир, нэһилиэк инники сайдыытын түстүүр «Ситим» киин үөрүүлээх арыллыытын тэрээһинэ ыытылынна диэн суруйар Ирина Осипова.

Тэрээһиҥҥэ Дьокуускайтан «Кэлэр кэм индустрията» («Индустрия будущего») кэммиэрчэскэйэ суох тэрилтэ салайааччыта Иван Степанов уонна эспиэрдэр: СӨ туризмы сайыннарыыга эспиэр Наталья Тюкавкина, СӨ туризмы уонна территориальнай маркетины сайыннарар тэрилтэ генеральнай дириэктэрэ Дмитрий Громов уонна СӨ Култуураҕа уонна духуобунай сайдыыга миниистири солбуйааччы В.В.Левочкин ыалдьыттаатылар.

— Бырагыраама быһыытынан кэлбит ыалдьыттар бастаан Суотту модельнай бибилэтиэкэтигэр экскурсияҕа сырыттылар, ол кэнниттэн «Түһүлгэ» СК «Ситим» эйгэ киинэ Суотту нэһилиэгэр арыллыытын сиэрэ-туома, нэһилиэк уран тарбахтаахтаахтарын быыстапката, маастар-кылаастар ыытылыннылар. Тэрээһин кыттыылаахтара «Ситим» эйгэ ис хоһоонун, үлэтин сүрүн хайысхаларын, соруктарын кытта билистилэр. Маны сэргэ нэһилиэк тэрилтэлэрин, олохтоохторун бырайыактарын иһиттибит, «Тыа сирин сайдыытын саҥа саҕахтара» киэҥ кэпсэтии ыытылынна. «Аһаҕас микрофон» чааһыгар санаа үллэстиитэ, инники үлэҕэ былааннары торумнааһын буолла, баҕа санаалар этилиннилэр. Нэһилиэккэ сонун, ураты тыыны, сүүрээни киллэрэргэ, үлэни-хамнаһы сайыннарарга, дьон-сэргэ болҕомтотун турдарга бэрт сонун, сэргэх этиилэр киирдилэр.

Нэһилиэкпит сайдыытын саҕахтарын бииргэ түмсэн салайсыаҕыҥ, «Ситим» кииммит тула сомоҕолоһуоҕуҥ.

Ирина Осипова,

Суотту, Уус Алдан.

Хаартыскалар Раиса Черкашина уонна ааптар тиксэриилэрэ

+1
0
+1
0
+1
0
+1
0
+1
0
+1
0
+1
0