Ситэриилээх былаас ааспыт сыллааҕы үлэтин отчуотун билиһиннэрии күргүөмнээхтик салҕанар.
СӨ бырабыыталыстыбатын бэрэссэдээтэлэ Владимир Солодов сырыытын бүгүн Уус Алдан улууһун Суоттутуттан саҕалаата. Манна 220 миэстэлээх таас оскуола тутуутун боппуруоһун дьүүллэстилэр. Оскуола салалтата, олохтоох дьаһалта бырайыагы, докумуону бэлэмнээн, боппуруоһу иҥэн-тоҥон ырыттылар.
Билиҥҥитэ манна 195 оҕо 2 симиэнэнэн араас сирдэринэн хайдыһан үөрэнэллэр. Онон оскуола тутуутун түргэтэтэр сыал-сорук турар. Бу күннэргэ бэдэрээччиккэ куонкурус биллэриллэр. Бырайыак 2016 сыллаахха оҥоһуллубут. 2020-2021 ссылларга үлэ саҕаланан, былаан олоххо киириэҕэ диэн буолла.
Елена ПОТОЦКАЯ, «Саха сирэ» хаһыат, edersaas.ru
Ааптар хаартыскаҕа түһэриитэ.
+1
+1
+1
+1
+1
+1
+1