Күүстээх ардахтар Дьааҥы оройуонугар Дулҕалаах өрүс баһыгар түһэннэр, Суордаахха уу таһыма үрдээтэ.
Сарсыарда 8 чааска уу таһыма 825 см. тиийдэ (муҥутуур таһым 770 см). Уу ылар сиригэр 22 тиэргэн (в зоне подтопления) баар.
Чугастааҕы күннэргэ 10 мм тиийэ ардах түһүөн уонна уу таһыма үрдүөн сөп диэн сэрэтэллэр.
Суордаах нэһилиэгин дьаһалтатыттан А.Д.Кривошапкина салалтатынан суһал ыстаап хонугу эргиччи үлэлиир. Дьоҥҥо-сэргэҕэ көмөлөһөр туһуттан, нэһилиэккэ Киин уулусса 11 нүөмэригэр оскуола спортивнай саалатыгар 80 киһиэхэ быстах кэмҥэ олорор пууну бэлэмнээтилэр. Уу ылар сириттэн дьону көһөрөргө 16 киһилээх, уон тиэхиньикэлээх бөлөх тэрилиннэ. Маны сэргэ, 30 хороҕор муостааҕы уу ылбат үрдүк сиригэр көһөрдүлэр итиэннэ биир ый устата аһатар аһылыгынан, уунан хааччыйдылар.
Балаһыанньа уустугурар түгэнигэр көмөҕө 35 киһилээх, аҕыс тиэхиньикэлээх, ол иһигэр алта уунан устар тэриллээх бөлөх тэриллибит.
Быһыы-майгы хайдаҕа тиһиктээхтик иһитиннэриллэ турар.
Хаартыска СИА архыыбыттан