Суоппардар хараҥаҕа эбэтэр суол үчүгэйдик көстүбэт кэмигэр, дьон олорбот сиригэр суолга массыыналарын тохтотор буоллахтарына, хайаан даҕаны анал сэлиэччик (светоотражающий жилет) эбэтэр сон кэтэр буолуохтара. Маннык уурааҕы Арассыыйа бырабыыталыстыбатын бэрэссэдээтэлэ Дмитрий Медведев баттаата. edersaas.ru
Санатан эттэххэ, дьон олорбот сиригэр суол кытыытынан хаамар дьон хайаан даҕаны уоту кылбачытар сурааһыннаах сэлиэччик эбэтэр сон кэтэллэрэ ирдэнэр буолбута. Ол сокуон суол кытыытыгар тохтообут суоппардарга сыһыана суох. Урукку сылларга тэҥнээтэххэ, суол кытыытынан хааман иһэр дьону массыыналар үнтү көтөллөрө 10,2 %-нан аччаабыт эбит. Оттон суол кытыытыгар тохтообут суоппардары үнтү көтүү 5 %-нан үрдээбит. Сокуон үлэҕэ киирдэҕинэ биирдэ ыстыраабын кээмэйэ биллиэҕэ.
Николай Попов, «Саха сирэ» хаһыат, edersaas.ru
+1
+1
+1
+1
+1
+1
+1