Бүгүн, муус устар 1 күнүттэн, Арассыыйа үрдүнэн суоппар быраабын ыларга кэккэ уларыйыылар киирдилэр. Чуолаан оптуобус, легковой уонна грузовой массыыналары ыытар быраабы ылар тургутууларга.
Суоппарга хандьыдааттар былаһааккаҕа үөрэппиттэринэн эрэ теорияны уонна ыытыыны куорат иһигэр тургутуохтара. Оттон куорат усулуобуйатыгар сатаан оҥоһуллубат дьайыылары сабыылаах анал былаһааккаларга уонна автодромнарга ыытан, эксээмэннэрин туттарыахтара. Теория чааһа оннунан хаалар.
Сыананы туруоруу систиэмэтэ уларыйда: уруулга олорон төлөпүөнүнэн кэпсэттэххэ, куру баамматахха эксээмэн тохтуон сөп. Суоппарга хандьыдаат элбээбитэ биэс ыстарааптанар баалы ылар буолла.
Маны таһынан, муус устар 1 күнүттэн суоппар быраабын 16 сааһын туолбут дьон ылыахтарын сөп буолла. Бу инниттэн төрөппүттэр эбэтэр сокуонунан бэрэстэбиитэллэр суругунан көҥүл биэрэллэрэ ирдэнэр.
Арассыыйатааҕы ГИБДД салайааччыта Михаил Черников иһитиннэрбитинэн, муус устартан эксээмэни ГАИ массыынатынан эрэ буолбакка, авто-оскуола массыынатынан эмиэ туттарыахха сөп буолбут. «ГАИ даҕаны, авто-оскуола даҕаны массынатынан эксээмэни туттарыахха сөп. Ол эрээри, массыына хайаан даҕаны хаҥас урууллаах, сцепление уонна туормас эбии педаллардаах буолуохтаах», — диэн салайааччы кулун тутар 30 күнүгэр «Россия 1» ханаалга кэпсээбитэ.
edersaas.ru
Хаартыска — ria.ru