Суоппар быраабын ыларга ханнык уларыйыылары киллэрэн эрэллэрий?

Бөлөххө киир:

Арассыыйаҕа мэдиссиинискэй ыспыраапкалары биэрии саҥа быраабылалара киирэллэрэ 2 ыйтан кыра кэм хаалла.

edersaas.ru

Ол курдук, 2022 cыл кулун тутар 1 күнүттэн РФ Доруобуйа харыстабылын министиэристибэтин бирикээһинэн, суоппардарга мэдиссиинискэй көрүүнү ыытар быраастар арыгылааһыҥҥа уонна наркотигы туһаныыга уорбалыыр дьоннорун уонна массыына ыытарга сөп түбэспэт ыарыылаахтары быһаарар быраабы ылар буоллулар.
Ол иһигэр, массыынаны итирик туруктаах ыыта сылдьан суоппар быраабыттан быһыллыбыт эбэтэр мэдиссиинискэй чинчийииттэн аккаастаммыт дьон эбии анаалыстарга ыытыллыахтара (бэйэлэрин харчыларынан).
Суоппардар доруобуйаларын терапевт, офтальмолог, психиатр, психиатр-нарколог, ЛОР (нэһилиэнньэ сорох араҥатыгар) быраастар көрүөхтэрэ. Сорох түгэннэргэ электроэнцефолограмма оҥоһуллуон сөп. Ону таһынан хааҥҥа уонна ииккэ психоактыыбынай биэссэстибэлэр (ПАВ) баалларын бэрэбиэркэлиэхтэрэ. Бу чинчийии киһи арыгыны уонна наркотигы, токсикологическай сириэстибэлэри тиһигин быспакка туһанарын бигэргэтэр. Өскөтүн психиатр-нарколог массыынаны ыытарга көҥүллэммэт ыарыы сибикилэрин бэлиэтии көрдөҕүнэ, ити чинчийии булгуччулаах.
Онно ханнык сибикилэр киирсэллэрий?
Эбии химико-токсилогическай чинчийиигэ (ХТИ) маннык сибикилэри киллэрэллэр:
— олус күүрбүт майгы-сигили (неадекватность);
— бытааннык өйдүүр, ылынар, куруук утуйуон баҕарар;
— туруга уларыйымтыа;
— бытааннык уонна элбэхтик тыыныы;
— халтаһа, илии тардыалыыра;
— тымырга араас сириэстибэлэри киллэрии сибикилэрэ.

Манна даҕатан эттэххэ, бу быраабылалары олоххо киллэрии 2019 сыл сэтинньититтэн саҕалаан хаста да көһөрүллүбүт буоллаҕына, быйыл кулун тутар 1 күнүттэн олоххо киллэрии булгуччулааҕын санаталлар.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0