2020 сыл устата “Куттала суох уонна хаачыстыбалаах айан суоллара” национальнай бырайыак чэрчитинэн 20 эрэгийиэннээҕи суолталаах айан суолун учаастактара өрөмүөннэнэн уонна саҥаттан оҥоһуллан үлэҕэ киирбиттэрэ.
Бэ ыйын 9 күнүгэр диэри судаарыстыба хантараага ыйарынан мэктиэни хааччахтыыр хамыыһыйа 19 айан суолун учаастактарын чиничийэн көрдө. Чинчийии түмүгэр көстүбүт үлэ итэҕэстэрин бэдэрээтинэн үлэлээбит тэрилтэлэргэ 2021 сыл бэс ыйыттан от ыйыгар диэри оҥороллоругар модьуйар суруктар туттарылыннылар. Биир хаалбыт учаастакка хамыыһыйа бэс ыйын иккис аҥарыгар тиийэрэ күүтүллэр.
Билигин эрэгийиэннээҕи суолталаах суоллары: “Амма” суолу Мэҥэ Хаҥалас уонна Амма улуустарыгар, “Умнас” суолу Хаҥалас уонна Өлүөхүмэ улуустарыгар, “Бороҕон” суолу Уус Алдаҥҥа хамыыһыйа ыйбыт итэҕэстэрин бэдэрээтчиттэр туоратар үлэлэри саҕалаатылар.
«Саха сирэ» хаһыат, edersaas.ru
Хаартыска sakha.gov.ru