Сүрүн Тырааныспар

Суолу оҥорууга үлэ тэтимирдэ

Быйыл суол оҥоһуутугар уһулуччу көрдөрүү ситиһиллибит буоллаҕына, эһиилги сылга бу салааҕа  үлэ өссө тупсуоҕа уонна тэтимириэҕэ. 

Сүрүн болҕомто Дьокуускай куоракка Ленин проспегын саҥардыыга ууруллар. Бырайыак Саха АССР 100 сылыгар туһаайылынна. Бу туһунан Ил Дархан Айсен Николаев сэтинньи ый түмүгүн таһаарыытыгар «Якутия24» ханаалга биэрбит интиервьютугар иһитиннэрдэ.

«Куттала суох уонна хаачыстыбалаах суол» национальнай бырайыак чэрчитинэн өрөспүүбүлүкэбитигэр суолу саҥардыы, өрөмүөн үлэтэ тохтоло суох ыытыллар. РФ бэрэсидьиэнин улахан өйөбүлүнэн Дьокуускай куорат, Нам, Покровскай, Табаҕа суолларын саҥартыбыт.  Кэлэр сылга ылыммыт былааммыт эмиэ сүҥкэн. Эһиил эмиэ  суолу оҥорууга уһулуччу ситиһиилэниэхпит диэн эрэнэбин, — диэн Ил Дархан Айсен Николаев санаатын үллэһиннэ.

 

 

Елена ПОТОЦКАЯ, “Саха сирэ” хаһыат, edersaas.ru

Хаартыска — СИА.

0
0