Суолга сэрэхтээх буолуохха (видео)

26.01.2021
Бөлөххө киир:

Сунтаарга өр кэмҥэ буолбатах тымныы күннэр тураннар, ордук суолга араас быһылаан тахсыыта элбээтэ.

edersaas.ru, Мария Кобельянова

Ол курдук  соторутааҕыта ыарахан  уйуктаах массыына Уһун Күөлгэ чох тиэйэн  иһэн суолтан туора түһэн, ысксаллаах быһыы үөскүү сырытта. Дьолго, бу кэмҥэ   Павел Федоров суоппардаах ЖКС уу таһар массыыната тохтоон, саахалга түбэспит киһини быыһаабыттара.

Оттон Мииринэй — Кириэстээх суолугар түүн куораттаан иһэр такси алдьаммыта. Онуоха  УАЗ массыыналаахтар түбэһэ кэлэн, спутниковай төлөпүөнүнэн  Кириэстээххэ эрийбиттэрэ. Тута  баһылык Александр Григорьев  суоппарынаан утары  кэлэннэр, айанньыттары  дьаһалтаҕа аҕалан итии чэй иһэрдэн, спорт саалаҕа хоннорон улаханнык абыраатылар.

Маннык түгэҥҥэ бастакынан  нэһилиэк баһылыктара күүс-көмө буолаллара киһини  үөрдэр.

Мария Кобельянова-Тускулаана, Сунтаар

+1
0
+1
0
+1
0
+1
0
+1
0
+1
0
+1
0