Сунтаар улууһун дьахталларын Сэбиэтин көҕүлээһининэн кэрэ аҥаардарга «Вместе – во благо семьи» диэн ааттаах аан маҥнайгы форсаж — сессия муус устар 20 күнүгэр буолан ааста.
edersaas.ru, Марфа Семенова
Бу тэрээһин чэрчитинэн нэһилиэк көхтөөх уопсастыбанньыктарын көмөтүнэн дьахтар тус бэйэтин сайдыытыгар, дьиэ кэргэн, оҕо доруобуйатыгар, дьиэ кэргэн дохуотун үрдэтиниигэ, тус бэйэ хаһаайыстыбатын тэриниигэ туһааннаах истиҥ кэпсэтиилэр, «Целеполагание в жизни», «Доступный бизнес на селе», «Мейкап», «Стретчинг — для взрослых» диэн ааттаах маастар-кылаастар ыытылыннылар.
Барыта холбоон 120 тахса киһи, ол иһигэр 8 уопсастыбаннай хамсааһын: Арассыыйа ийэлэрин Сунтаардааҕы салаата, Автоледилар, Алгыстар, «Саҥа тыын», «Женское счастье», «Нария» үҥкүү устуудьуйата, «Сомоҕо», «Туску» кытыыны ыллылар. Бу тэрээһиҥҥэ кыттыспыт дьоммутугар: Ольга Александровна Степановаҕа, Августина Ильинична Яковлеваҕа, Надежда Владимировна Тихоноваҕа, Александра Любомировна Герасимоваҕа, Юлия Сергеевна Филипповаҕа, Ньургуйаана Васильевна Кобельяноваҕа, Калина Владимировна Ордаховаҕа уонна Сунтаардааҕы балыыһа
мобильный киинигэр улуус дьахталларын Сэбиэтин аатыттан махталбытын биллэрэбит!
Марфа Семенова, edersaas.ru сайтка анаан