Сунтаарга ууну ыраастыыр ыстаансыйаны тутууга федеральнай бүддьүөттэн эбии 39 мөл. солк. тыырыллыа
Федеральнай бүддьүөттэн Сунтаар сэлиэнньэтигэр ууну ыраастыыр ыстаансыйаны тутууга эбии 39 мөл. солк. тыырылынна.
Субсидия харчыта РФ Бырабыыталыстыбатын атырдьах ыйын 19 күнүнээҕи дьаһалыгар олоҕуран көрүллэр. Санатар буоллахха, ааспыт нэдиэлэ саҥатыгар РФ премьер-миниистирэ Михаил Мишустин Саха сиригэр кэлэ сылдьан, Ил Дархан Айсен Николаев социальнай эбийиэктэри саҥардыыга, тутууга эбии үбү көрөргө туруорсубутун өйүүрүн биллэрбитэ.
Сунтаарга быйыл муус устартан «Ыраас уу» национальнай бырайыак чэрчитинэн, ууну ыраастыыр ыстаансыйаны тутуу саҕаламмыта. Барыта этэҥҥэ бардаҕына, быйыл сыл бүтүүтэ үлэҕэ киириэҕэ.
+1
+1
+1
+1
+1
+1
+1