Тохсунньу 27 күнүгэр Сунтаар улууһун баһылыга А.В.Григорьев СӨ Бырабыыталыстыбатын бэрэссэдээтэлин бастакы солбуйааччы — СӨ тыа хаһаайыстыбатын, ас-үөл бэлиитикэтин миниистирэ П.Н.Алексеев салайааччылаах тус министиэристибэ көһө сылдьар оробуочай бөлөҕүн көрүстэ.
Ыалдьыттар үс бөлөххө арахсан улууспут тыа хаһаайыстыбатынан дьарыктанар «Кириэстээх» ТХПХ, «Элгээйи» ПХ, «Семенов С.А.» ИП, «Лонкур» КХ, «Николаев Д.И.» уонна «Умарова Д.В.» ИП сирдэринэн сылдьан ыанньыксыттары кытта көрсөн үлэлиир, олорор усулуобуйаларын билистилэр.
Оробуочай бөлөх састаабыгар баар биир дойдулаахпыт СӨ баайын-дуолун уонна сир сыһыаннаһыыларын миниистрин солбуйааччы М.В.Никифоров эмиэ сырытта. Оробуочай бөлөх улуус дьаһалтатын дьиэтин аактабай саалатыгар нэһилиэк баһылыктарын, тыа хаһаайыстыбатынан дьарыктанар дьоҕус хаһаайыстыбалар салайааччыларын кытта көрсөн сүбэ мунньах ыытта.
Сунтаар улууһун баһылыга А.Григорьев уонна СӨ Бырабыыталыстыбатын бэрэссэдээтэлин бастакы солбуйааччы — СӨ тыа хаһаайыстыбатын, ас-үөл бэлиитикэтин миниистирэ П.Алексеев улууска тыа хаһаайыстыбатын бэлиитикэтин өйөөһүҥҥэ СӨ Субвенциятын туһаныыга сөбүлэҥ түһэристилэр.
Тимур ИВАНОВ, Сунтаар, edersaas.ru сайтка анаан