Сыл түмүктэнэрэ биир ый хаалан, билигин ыытыллыбыт үлэни-хамнаһы анааран көрөр, бастакы түмүктэри таһаарар кэм үүннэ.
edersaas.ru
Алтынньы 1 күнүнээҕи туругунан Сунтаар улууһугар 17526 ынах сүөһү, ол иһигэр 5700 ыанар ынах, 16799 сылгы, ол иһигэр 7064 биэ баар. Кыстык этэҥҥэ ааһарын туһугар улуустааҕы тыа хаһаайыстыбатын управлениета бэтэринээрийэ управлениетын кытта сылгылар кыһынын хаһан аһыахтаах сирдэрин үөрэтэллэр, кулуннааһыны таһаарбат инниттэн эмтиир-сэрэтэр үлэни тэрийэллэр. Кыһын хаһыы сылгыларыгар улахан хоромньуну бөрөлөр таһаараллар. Ол иһин улууска бөрөлөрү бултаһарга анал биригээдэлэр тэриллэннэр, тус сыаллаах муниципальнай бырагырааманан 500 тыһ. солк. көрүллэн, 25 бөрө бултанна.
Улуус окко былаана 34000 т этэ. Күн-дьыл туран биэрэн, 34102 т оттонон, былаан 100,3 % туолла, ону таһынан 1732 т күөх маасса, 3000 т сиилэс, 120 т сенаж бэлэмнэннэ. Онон кыстыгы туруор ас-үөл баар.
Гаврил Андреев, Сунтаар, «Саха сирэ» хаһыат, edersaas.ru