Биһиги өбүгэлэрбит мындыр толкуйдаах тутуулара олус дьэрэкээннэр, кэрэ көстүүлээхтэр, күннээҕи олоххо олус табыгастаахтар. Онтон биирдэстэрэ туос Моҕол ураһа.
edersaas.ru, Мария Кобельянова
Маннык тутуулар Олоҥхо ыһыахтара тэриллэр сирдэригэр тутуллан ыһыах түһүлгэтин киэргэтэллэр. Сунтаар улууһа быйыл бэйэтэ туос Моҕол ураһаны тутан ыһыах суолтатын үрдэтэр. Билигин ыһыах түһүлгэтигэр Добун уонна Тойон түһүлгэ икки ардыгар 10 миэтэрэ уһуннаах 12 миэтэрэ иэннээх Туос моҕол ураһа тутулла турар. Тимир каркастаах, соҕурууттун кэлбит туос тастаах, аныгы ньыманан тутуллан ортолообут тутуу олус үчүгэй. Үлэни «Уран» дизайн устуудьуйа ыытар. Тутуу салайааччыта Владимир Чахов.
Сахалыы тыыннаах Моҕол ураһаны кытта билигин Кыыл Уолун норуот уус-уран айымньытын киинигэр ис бараанын үлэтэ барар. Манна эмиэ «Уран» дизайн студия ойуутун, киэргэлин уһанар. Баараҕай кииҥҥэ киирээти кытта Сунтаар — Олоҥхо дойдута, Кыыл Уолун дойдута дэтэр хартыына биһигини көрсөр.
Сунтаар оһуордаах, сахалыы дириҥ суолталаах тутуулара үксээн дьону-сэргэни кэрэхсэтэллэр, элбэххэ иитэллэр.
Мария Кобельянова-Тускулаана, edersaas.ru