Маны аах Успуорт

Сунтаарга Токиотааҕы Паралимпиада кыттыылааҕын Алена Дмитриеваны чиэстээтилэр

Сунтаарга Токиотааҕы Паралимпиада кыттыылааҕын волейболистка Алена Дмитриеваны үөрүүлээх быһыыга-майгыга чиэстээтилэр. Спортсменканы улуус дьаһалтата, бастакы тириэньэрэ уонна спортивнай оскуола иитиллээччилэрэ эҕэрдэлээтилэр.

Сунтаар улууһун быһылыга Анатолий Григорьев Алена Дмитриева спортивнай олоҕо улуус успуорт саалаларыттан, манна буолбут күрэхтэһиилэртэн саҕаламмытыттан олохтоохтор киэн тутталларын бэлиэтээн эттэ. Итиэннэ баһылык спортсменка бастакы тириэньэригэр Сунтаар улууһун бочуоттаах олохтооҕор, СӨ физическэй култууратын уонна успуордун туйгунугар Афанасий Жараевка махтанна.

Алена Дмитриеваҕа улуус аатыттан 500 тыһыынча солкуобайы бэлэхтээтилэр,  ситиһиилэри баҕардылар.

0
0