Икки сыллааҕыта Сунтаар улууһун култуура салалтатын көҕүлээһининэн, #кыргыттаргаилиибитинуунабыт диэн искэн ыарыытынан ыалдьыбыт биир дойдулаах кыргыттарбытыгар көмөлөһөр сыаллаах аахсыйа тэрийэн саҕалаабыппыт.
Быйыл бу хамсааһыммыт Сунтаар улууһугар Үтүө санааланыы сылыгар сөп түбэһэн, ковид утары охсуһууга туһуланан «Үтүө санаа нэдиэлэтин» тэрийдибит. Нэдиэлэни быһа улууспут култууратын тэрилтэлэрэ араас интэриэһинэй маастар-кылаастары, тэрээһиннэри ыытан, бука бары кыттыыны ылбыттара хайҕаллаах. Барыта 25 нэһилиэктэн 224 617 солкуобай үп киирдэ. Ити харчыга кислороднай концентратор, автоматическай СИПАП аппарат уонна экспресс-тест ыллыбыт. Ону барытын кииннэммит балыыһаҕа туттардыбыт. Доруобай, чэгиэн-чэбдик буолуохха! Ыарыы ыраах тэйдин, барыта нус-хас буоллун! Үтүө дьыала элбии-үксүү турдун!
Мария Кобельянова, Сунтаар