Сунтаарга Үтүө дьыаланы оҥорооччу сылыгар туох үлэ ыытыллар? (видео)

Үүммүт сыл Саха сиригэр  — Чэбдигирии, онтон Сунтаарга — Үтүө дьыаланы оҥорооччу сыла биллэриллибитэ. Бу сыллар чэрчилэринэн номнуо Сунтаарга араас тэрээһиннэр киэҥ хабааннаахтык бараллар.

edersaas.ru, Мария Кобельянова

Мас хайытан ыалларга көмө, хотону өрөмүөннээһин уонна Кииннэммит балыыһаҕа концентратор бэлэх ууннулар. Ааспыт сыл кулун тутарыттан хоруона хамсыгын утары үлэлиир волонтердар улууска Үтүө дьыаланы оҥорооччу сылын кыаммат, кырдьаҕас ыалларга көмө буолуунан саҕалаатылар.

Николаевтар диэн Сунтаар нэһилиэгин ыаллара хаппыт мас сытарын туһаҕа таһаарыҥ диэн көҥүллээбиттэрин, ыччаттар эрбээн, оттук маһы  үс ыалга көмөлөһүөхтэрэ. Маннык хасмааһыннар хас нэһилиэк аайы бааллар. Холобур, оскуола 90 сылыгар 90 үтүө дьыала оҥоһуллар, Кириэстээххэ “Саргы түһүлгэтэ” кулууп үлэһиттэрэ хотону исбиэскэлээһиҥҥэ көмө буоллулар.

Онтон Чэбдигирии сылын көрсө «Cомоҕо» түөлбэ Кииннэммит балыыһаҕа кислороднай концентрат бэлэх уунна. 70-ча түөлбэ олохтоохторо 100 солкуобайтан саҕалаан 3000 солкуобайга  тиийэ кыттыһан уопсайа 60-тан тахса тыһ. солк. суумалаах тэрили ылбыттар.

Бу хоруона хамсыга саҕаланыаҕыттан Сунтаарбыт дьоно туора турбакка арааһынан көмөлөһөллөрө үөрдэр диэн санаатын кылаабынай быраас Анатолий Назарова тиэрдэр. Хас биирдии киһи кыра да үтүөнү оҥордоҕуна улахан хамсааһын.

Мария Кобельянова – Тускулаана, Сунтаар