Кулун тутар 19 күнүгэр Сунтаар улууһугар Сылгыһыт күнэ Маар Күөл нэһилиэгэр тэрилиннэ.
Бу күн Сунтаар улууһун бочуоттаах олохтооҕо, Сунтаар улууһун чулуу сылгыһыта, үлэ, тыыл бэтэрээнэ, ат сүүрдүүтүгэр 25 сыл устата 10 рекордсмен сүүрүк аттары бэлэмнээн таһаарбыт Егор Николаевич Петров 85 сааһыгар аналлаах «Сылгыһыт күрэҕэ» тэрилиннэ. Тэрээһин үөрүүлээх арыллыытыгар Егор Николаевичка улуус Аҕа баһылыга Анатолий Григорьев СӨ тыатын хаһаайыстыбатын министиэристибэтин “За вклад в развитие табунного коневодства” уонна “Почетный ветеран Сунтарского улуса” бэлиэлэри туттарда.
Сылгыһыттарга хамаанданан уонна биирдиилээн араас көрүҥнэринэн күрэхтэһии тэрилиннэ. Манна улуус араас нэһилиэктэриттэн уопсайа 12 хамаанда кэлэн кыттыыны ылла.
«Сылгыһыт күрэҕэр» дьон-сэргэ саамай күүппүт, кэтэспит үөрүүлээх түгэнэ, дьиҥ саха аттарын сүүрдүүтэ буолла. Онно 400, 800 уонна 1600 м. күрэхтэстилэр.
400 м.
3 миэстэ Хоро нэһилиэгиттэн Герман Гуляев
2 миэстэ Күндэйэ нэһилиэгиттэн Прокопий Варфоломеев
1 миэстэ Сунтаар нэһилиэгиттэн Николай Павлов
800 м.
3 миэстэ Дьаархан нэһилиэгиттэн Станислав Архипов
2 миэстэ Кириэстээх нэһилиэгиттэн Николай Могусов
1 миэстэ Күндэйэ нэһилиэгиттэн Прокопий Варфоломеев
1600 м.
3 миэстэ Күндэйэ нэһилиэгиттэн Прокопий Варфоломеев
2 миэстэ Уһун-Күөл нэһилиэгиттэн Александр Иванов
1 миэстэ Сунтаар нэһилиэгиттэн Василий Федоров
1600 м. коммерческай сүүрүүгэ кыайыылааҕынан Кириэстээх нэһилиэгиттэн Николай Могусов буолла.
«Сунтаар улууhа (оройуона)» муниципальнай оройуон дьаһалтатын пресс-сулууспата.