Сунтаарга суһал штаб мунньаҕа ыытылынна

Бөлөххө киир:

Кулун тутар 27 күнүгэр, Сунтаарга улуустааҕы суһал штаб чилиэннэрэ коронавирус инфекциятын утары сүбэ мунньах ыыттылар.

edersaas.ru

Дойду бэрэсидьиэнэ Владимир Путин ыйааҕынан, бу нэдиэлэҕэ, кулун тутар 28 күнүттэн муус устар 5 күнүгэр диэри, бас билииттэн тутулуга суох атыы-эргиэн кииннэрэ (ас атыылыыр маҕаһыыннартан ураты) үлэлэрин тохтотоллор диэн биллэриллибитэ. Ил Дархан Айсен Николаев уонна СӨ үрдүнэн кииннэммит суһал штаб быһаарыныытынан, ыарыыны салгыы тарҕаппат сыалтан салайар былаас уорганнарын үлэһиттэрин үлэлэрин миэстэлэригэр баар буолалларын эрэйдилэр, онтон исписэлиистэр дьиэттэн олорон үлэлииллэрэ быһаарылынна. Сүбэ мунньахха Сунтаар улууһун Аҕа баһылыга Анатолий Григорьев уонна тутаах тэрилтэ салайааччылара сүрүннээн кырдьаҕас дьоҥҥо дьиэлэринэн сылдьан бородуукта тиэрдээһиҥҥэ нэһилиэк аайы волонтердары аныырга, карантин кэмигэр тэрилтэлэринэн эппиэтинэстээх дьоҥҥо дежурство олохтонорун, эбии эминэн хааччыныы, үөрэх чааһыгар дистанционнай үөрэниигэ нэһилиэктэргэ куйаар ситимэ тардылла илик түөлбэлэргэ үлэ ыытыллыахтааҕын уонна да атын  кыһалҕалаах боппуруостары торумнаатылар. Сунтаардааҕы Роспотребнадзор салайааччыта Андрей Федоров иһитиннэрэринэн, биһиги улууска 53 киһи тас дойдуттан кэлбитэ бэлиэтэнэр, олортон 13 киһи билигин бэйэлэрин дьиэлэригэр «самоизоляцияҕа» олороллор, 21 дьон коронавирус биллэрэр анаалыстары ааһан доруобай туруктаахтар диэн бигэргэтиллибит. Улуустааҕы ыччат бэлиитикэтин салаатын салайааччыта Евгений Данилов иһитиннэрэринэн, каникул бириэмэтигэр дойдуларыгар кэлбит устудьуон ахсаана 490 бэлиэтэммит, олортон 478 Дьокуускай куораттан, 12 оҕо киин куораттартан кэлбиттэр. Кинилэргэ доруобуйаларын кэтээн көрүү үлэтэ ыытыллыбыт.

Сунтаар улууһун дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0