Cунтаарга бу күннэргэ хаар түһэн кэрэ көстүүнү бэлэх оҥорбут буоллаҕына, аны аан дойдуга сэдэх көтөрүнэн ааттанар туруйа ыалдьыт буолла. Даурия туруйата Сунтаар нэһилиэгин ипподром уонна Ураһалаах сир икки ардыгар сылдьыбыта инньэ хас да күн буолбут. Бу кэрэ дьикти, сэдэх көтөрү Сунтаардааҕы “Сахабулт” салайааччыта Максим Афанасьев көрөн, хаартыскаҕа түһэрэн, Сунтаар ТВ устар бөлөҕөр үйэтиттэ.
edersaas.ru
Максим Афанасьев – сорсуннаах булчут, иллэҥ кэмигэр айылҕаҕа эбийэктиибин туппутунан сири-сибиири кэрийэн кэрэ хартыыналары айан-тутан таһаарар. Бу сырыыга сэдэх туруйаҕа түбэһэн көтөрү кэтээн көрөөччү тоҕотун сөҕөр уонна айылҕабыт уларыйыытын дьайыыта бу эркини булларбыт буолуон сөп диэн санаатын үллэстэр. Бу кырасыабай туруйа тоҕо соҕотоҕуй диэҥҥэ – эдэрэ бэлиэтэннэ. Туруйалар 3-4 саастарыттан иккис аҥардарын булан арахсыспат буолаллар эбит.
Кэрэни кэрэхсээччи, хаартыскаҕа хатааччы соторунан кинигэ оҥорон таһаарар санаалаах. Ол онно эбийэктиибэр хаптарбыт бу кэрэ туруйата сүрүн эбийиэк буолуоҕа.
Мария КОБЕЛЬЯНОВА-ТУСКУЛААНА, edersaas.ru сайтка анаан
+1
+1
+1
+1
+1
+1
+1