Ааспыт сыл атырдьах ыйын бүтүүтэ Сунтаарга «Сименс» хампаанньа бэрэстэбиитэллэрэ кэлэн, улуустааҕы киин балыыһаҕа томография аппараатын аҕалан таҥан туруорар туһунан кэпсэтэн барбыттара.
edersaas.ru
Ол курдук тустаах оборудование кэлэн турарыгар «Сунтаар улууһун сайдыытын тус сыаллаах пуондата» кэмиэрчэскэйэ суох тэрилтэ (дириэктэр Иванов П.Ю.) «Евростиль XXI» ХЭУо кытта 24 876 660 солк. суумаҕа сөбүлэһии түһэрсибиттэрэ.
Ол курдук от ыйын 27 күнүгэр томограф кэлэн, Сунтаардааҕы киин балыыһа хирургия отделениетын куорпуһугар кэлэн турда. Аны билигин таҥан туруоруохтаах миэстэлэрин өрөмүөнэ бара турар. Өрөмүөн бүттэҕинэ «Сименс» хампаанньа исписэлиистэрэ кэлэн таҥан, монтажтаан, үлэһиттэри үөрэтэн барыахтаахтар.
Дойду үрдүнэн коронавирус дьаҥа туран, ыарыыны утары охсуһууга улахан болҕомто ууруллар. Ону таба өйдөөн «Профстрой» тутуу тэрилтэтэ уонна Кэмпэндээйитээҕи туус собуота тустаах пуондаҕа 100-түү тыһыынча үбүнэн көмөлөстүлэр.
Сунтаар улууһун сайдыытын пуондата ыарыыны сэрэтэр сыаллаах «Медтехника – ДВ» ХЭУо кытары 4 800 000 солк. суумалаах икки Mindray CV-300 тыҥаны ыраастыыр аппарааты (ИВЛ) ыларга дуогабар түһэрсибиттэрэ. Атырдьах ыйын 19 күнүгэр биир аппараат кэлэн, таҥыллан турда. Иккиһэ бу күннэргэ кэлиэхтээх.
Ону таһынан пуонда нөҥүө 1183 устуука респиратор, 13611 медицинскай харыстанар мааска, 10 устуука киһини таарыйбакка эрэ этин кыраадыһын бэрэбиэркэлиир термометр о.д.а. ылыллан улуустааҕы киин балыыһаҕа бэрилиннилэр.
Гаврил АНДРЕЕВ, Сунтаар