Сунтаар улууһугар бэҕэһээ, бэс ыйын 21 күнүгэр, сарсыарда 09.00 чаас саҕана, Бүлүү суолун 1011-с км сиргэ суол быһылаана тахсыбыт. Бу туһунан yakutsk.ru сайт иһитиннэрдэ.
Бу сайт суруйарынан, Тойбохой сэлиэнньэтиттэн 2 км сиргэ тахсыбыт суол быһылааныгар УАЗ массыынаны ыытан испит полицейскай суорума суолламмыт. Сунтаартан төрүттээх, 1989 сыллаах төрүөх, Сунтаардааҕы Ис дьыала отделын ГИБДД-тын полицейскайа Афанасий Федоров соҕотоҕун айаннаан испит…
Сабаҕалааһын быһыытынан, УАЗ массыына кэнниттэн айаннаан испит «внедорожник» ситэн ааһаары гыммытыгар, УАЗ суоппара (полицейскай) харсыһымаары, туора диэки салайбыт. Ол салайаары, суол хайыҥар оҕустаран, массыыната түҥнэстибит. Полицейскай ылбыт эчэйиилэриттэн быһылаан миэстэтигэр тыына быстыбыт…
Билигин бу чахчынан силиэстийэ уорганнара процессуальнай бэрэбиэркэ ыыталлар. Ол түмүгүнэн, процессуальнай быһаарыы тахсыаҕа.
Вера МАКАРОВА, «Саха сирэ» хаһыат, edersaas.ru
Хаартыска: http://yakutsk.ru/news/