Айылҕа харыстабыла Суолталаах

Сунтаарга ойуур баһаарын умуруораллар

От ыйын 29 күнүнээҕи туругунан,  Сунтаар улууһугар уопсайа 3 ойуур баһаара турбута бэлиэтэнэр. Наахара нэһилиэгиттэн 4,5 км тэйиччи сиргэ 14-НСС нүөмэрдээх  турбут ойуур баһаарын умулларыыга Сунтаар улууһун аҕа баһылыга Анатолий Григорьев салайааччылаах ыксаллаах быһыы-майгы инфраструктуратын салаата уонна айылҕа харыстабылын иниспиэксийэтэ суһал бөлөх тэрийэн, дьону түмэ тардан, уоту умулларар тэриллэринэн, ону таһынан улахан тиэхиньикэнэн хааччыйан, ойуур уотун умулларыыга  үлэни  ыыталлар.

edersaas.ru

Билиҥҥи туругунан, баһаарга 3 улахан тиэхиньикэ, вездеходтар, 3 таһар массыына, 3 баһаарынай массыына, 2 трал, тыраахтар уонна массыыналар үлэлииллэр. Ньурба улууһуттан уонна бэйэ баҕатынан көмөҕө кэлбит дьон, ону таһынан туһааннаах тэрилтэлэртэн ойуур баһаарын умулларыытыгар уопсайа 95 киһи үлэлии сылдьар. Кинилэргэ оскуолаҕа уонна кулуупка аһыылларыгар уонна хоноллоругар быстах кэмнээх пууннары олохтоотулар. Нэһилиэнньэлээх пууҥҥа уонна социальнай-экэнэмиичэскэй эбийиэктэргэ куттал суоһаабатын курдук, түүннэри кэтэбил олохтонон, минерализованнай балаһаны эбии кэҥэтэн биэрдилэр.

Бүгүн Сунтаар улууһугар ойуур баһаарын умулларарга СӨ баһаары утары судаарыстыбаннай сулууспа үлэһиттэрэ кэллилэр. Баһылык  Анатолий Григорьев сулууспа начаалынньыгын солбуйааччы Анатолий Павловтыын көрсөн, ойуур баһаарын умулларыы дьаһалларын былааннаатылар.

«Саха сирэ», edersaas.ru анаан «Сунтаар улууһа (оройуона)» муниципальнай оройуон дьаһалтатын пресс-сулууспата

0
0
Telegram @edersaas20