Бүгүн Сунтаар нэһилиэгэр «Бизнес инкубатор» дьиэтигэр бэйэ дьыалатынан дьарыктаныан баҕалаах дьоҥҥо СӨ Урбаан, атыы-эргиэн уонна туризм министиэристибэтин көҕүлээһининэн тэриллибит «Мой бизнес» киинэ арылынна.
Бу киин урбаанынан үрдүк таһаарыылаахтык дьарыктаныан баҕалаах дьоҥҥо сүбэ-ама биэрэн көмөнү оҥорор. Тэрилтэ биһиги улууска бэс ыйыттан тэриллэн үлэтин саҕалаабыта, ол тухары өрөспүүбүлүкэтээҕи субсидиялары ыларга 66 сайаапкаҕа көмө оҥордо. Ону таһынан урбаанньыттарга автоквест, онлайн-бизнес квест, араас туһалаах сэминээрдэри, курстары тэрийэн ыытта.
Үөрүүлээх тэрээһиҥҥэ туруу үлэһит дьону өйөөн, саҥа үлэ миэстэтин тэрийэргэ күүс-көмө буола туруҥ диэн алгыстаах баҕа санааларын Сунтаар улууһун Аҕа баһылыга Анатолий Григорьев уонна экономическай сайдыы управлениетын салайааччыта Ия Ефремова үллэһиннилэр.
«Сунтаар улууһа (оройуона)» муниципальнай оройуон дьаһалтатын пресс-сулууспата.
+1
+1
+1
+1
+1
+1
+1