Бу күннэргэ улуус үрдүнэн «IV» бырайыак үлэлээн үгүс дьону түмэ тарта. Ыччат бэлиитикэтин салалтата быһыыны ылыыга нэһилиэнньэни ыҥырыыга анаабыт бырайыагар 14 хамаанда (225 киһи) кытынна.
Түөрт түһүмэхтээх күрэскэ куйаар ситимигэр страница оҥостон, олохтоохтор быһыы ылалларыгар ыҥырар араас ис хоһоонноох сырдатыылары оҥордулар. Иккис түһүмэх түмүгүнэн, улууска 62 үтүө дьыала оҥоһулунна. 596 киһи чопчу бу кэмнэргэ быһыыны ылбыттара бэлиэтэннэ. Хамаандалар бүтэһик түһүмэххэ бырайыактары көмүскээтилэр. Уопсай түмүгүнэн кыайыылаах Кириэстээх, Куокуну холбоһуктаах хамаандата буолан 100.000 солк., иккис миэстэ Хадан 70.000 солк., үһүс миэстэ «Сайдыс» култуура түмсүүтэ 50.000 солк. туоһу суруктарынан наҕараадаланнылар.
Мария Кобельянова, Сунтаар.
+1
+1
+1
+1
+1
+1
+1