Билиҥҥи балысхан кэмҥэ «Ким да умнуллубат, туох да умнуллубат» диэн айыы санаанан салайтаран, үтүө-мааны өбүгэтин өйдүүр-саныыр, кини аатын үйэтитэр ыччат дьон бааллара киһини долгутар.
edersaas.ru, Мария Кобельянова
Сунтаар оройуонуттан 2756 киһи сэриигэ барбытыттан 1664 киһи сэрии толоонугар охтубута, 1092-тэ тыыннаах эргиллэн кэлбитэ. Быйыл Кыайыы 74 сылын биэс бэтэрээн өрөгөйдөөн көрсөр. Бүлүүчээн нэһилиэгин аарыма кырдьаҕаһа 105 сааһыгар үктэммит Сталинтан махтал суруктаах, Аҕа Дойду сэриитин иккис истиэпэннээх уордьан кавалера Софрон Матвеевич Данилов, Тойбохой нэһилиэгин 100 саастаах ытык-мааны кырдьаҕаһа, «Кыһыл Сулус», Аҕа дойду сэриитин бастакы истиэпэннээх кавалера Трофим Николаевич Жирков, Илимниир нэһилиэгин 97 саастаах Аҕа дойду сэриитин 1,2 истиэпэннээх уордьан кавалердара Иппатий Алексеевич Семенов, Сиэйэ нэһилиэгин 97 саастаах, Аҕа Дойду сэриитин бастакы истиэпэннээх уордьанын кавалера Прокопий Афанасьевич Степанов уонна Сунтаар нэһилиэгэр олорор Японияны Кыайыы иһин мэтээллээх 92 саастаах Дмитрий Яковлевич Григорьев.
edersaas.ru, Мария Кобельянова, Сунтаар